Respawn do që të bëjë një adaptim të Apex Legends në Netflix

Kush nuk do e shihte një serial të tillë?

Respawn është shprehur se “do të donte” të sillte botën e Apex Legends në Netflix ose në ndonjë tjetër shërbim streaming, si një serial televiziv. Drejtori i lojës Chad Grenier e tha këtë pak pasi Sezoni i 6 i lojës erdhi live.

“Një serial i animuar i Apex Legeneds ë Netflix? Po, patjetër që do të doja ta bëja këtë… duket fantastike,” u shpreh Grenier. “Un jam shumë dakord. Mendoj se për momentin jemi të fokusuar te loja, por nëse dikush është i hapur për këtë ide, padyshim që do i dëgjoja.”

Apex Legends është duke çarë avash avash në kulturën e popit, me një narrativë që vazhdon të zhvillohet në Season 6. Pas suksesit të “Broken Ghost” audio logs që pati në Season 5, Respawn tani është duke ofruar comics për çdo aventurë të plotësuar.

Ideja e një seriali të Apex Legends në Netflix është padyshim emocionuese. Ka plot linja të historisë që mund të zhvillohen dhe të futen në battle royale, si hakmarrja e Loba, udhëtimi i Lifeline dhe Octane në Ollympus etj.

Gjithsesi, dëshira e mirë e dikujt është shumë larg një konfirmimi zyrtar për këtë gjë. Por kjo nuk do të thotë që nuk është e hapur si ide në të ardhmen. Mbetet të presim dhe të shohim nëse do të shkohet gjëkundi me këtë ide.