Loja e tetë e Resident Evil tashmë ka një datë lançimi. Zhvilluesi Capcom njoftoi se Resident Evil Village do të vijë për PlayStation 5, Xbox Series X, PS4, Xbox One dhe PC në 7 maj të 2021.
Kompania gjithashtu njoftoi se një demo do të jetë e disponueshme për ata që kanë PS5, më vonë gjatë ditës së sotme. Capcom thotë se Village do të mund të bëhet upgrade nga PlayStation 4 në version dixhital të PlayStation 5 dhe do të suportojë Smart Delivery për Xbox Series X/S dhe Xbox One.
Eventi ku u zbulua data e lançimit na dha edhe pamje të reja të lojës, përmes një traileri, që mund ta shikoni më poshtë.
Përtej lojës single-player të Resident Evil, Capcom zbuloi Re: Verse, një lojë multiplayer e zhvilluar në universin e Resident Evil. Ajo do të jetë e disponueshme për këdo që blen Village.