Resident Evil Village do të jetë “loja më e mirë horror survival deri më sot”

Pritshmëritë për Resident Evil Village kanë qenë në rritje që para disa javëve. Zhvilluesit janë të bindur që loja ja vlen gjithë këtë hype. Sipas njerit prej producentëve, loja horror do të jetë shumë e rëndësishme për të gjithë zhanrën e saj.

Producenti i Capcom, Peter Fabiano foli për rikthimin e Ethan Winters nga Resident Evil 7 dhe të ruajturit e fokusit në çdo gjë, që të arrijnë një produkt përkufizues për zhanrën e tij.

“Ne donim që lojtarët të vazhdonin ta përjetonin lojën përmes syve të protagonistit Ethan Winters. Ky është një vazhdim i Resident Evil 7: Biohazard fundja,” tha Fabiano. “Kjo gjë na ndihmoi të ruanim fokusin në vizionin tonë. Meqë gjithashtu po ndajmë informacione përgjatë ekipeve të Resident Evil, kjo na ka ndihmuar të bëjmë atë që ne konsiderojmë loja më e mirë horror survival deri më sot.”

Ndër influencat e shumta të dukshme të Resident Evil Village, që nga literatura gotike deri te Addams Family, Fabiano thotë se ndikimi i Resident Evil 4 do të jetë shumë i dukshëm:

“Do të vini re që jemi frymëzuar shumë nga Resident Evil 4. Ekipi ka punuar shumë që ta bëjë të ndjehet autentike. Ka shumë surpriza që do ju mbajnë në majë të gishtave. Lojtarët do të gjejnë një balancë mes combat, eksplorimit dhe zgjidhjes së pazllave.”

Interneti përgjithësisht ka zhvilluar një simpati për Lady Dimitrescu, një antagoniste 2.70 metër në lojën e ardhshme. Lojtarët e PlayStation 5 kishin nderin të vriteshin nga ajo para gjithë të tjerëve, por një demo për PC pritet të vijë së shpejti.

Shikoni demon e PS5 Maiden më poshtë: