Resident Evil 8 mund të njoftohet së shpejti

Data e mundshme e lançimit të Resident Evil 8 është zbuluar. Momentalisht Capcom nuk e ka njoftuar akoma lojën për PS5, PS4, Xbox Series X, Xbox One dhe PC, por përflitet shumë se ajo është në zhvillim e sipër. Raportimet e fundit sugjerojnë se ajo do të zbulohet së shpejti.

Programi Ambassador i Capcom për Resident Evil ka publikuar një update për anëtarët më të lartë të rankut të saj, duke zbuluar se një farë njoftimi për Resident Evil do të mbahet në datë 10 qershor, ditën e mërkurë. Fatkeqësisht, ky update nuk futet në detaje të mëtejshme, duke i lënë fansat e serive me asgjë përveçse spekulimeve.

Momentalisht nuk ka asnjë mënyrë për të verifikuar nëse kjo gjë është e vërtetë, por provat e prezantuara duket të kenë sens. Për ata që nuk e dinë Resident Evil Ambassador Program i lejon anëtarët e saj të kenë akses në evente të limituara, të testojnë disa lojëra duke i luajtur herët etj. Plus ka qenë edhe burim për leaks të Resident Evil në të kaluarën.

Nëse do të hamendësojmë se ky update është i vërtetë, qëllimi i tij mund të jetë për shumë gjëra. Mund të jetë ndonjë njoftim i mërzitshëm, por mund të jetë edhe mundësia e njoftimit të Resident Evil 8. Cilido qoftë rasti mbetet të presim deri në 10 qershor për të parë a do dali gjë në dritë.