Capcom ka konfirmuar se Resident Evil 8 Village në Xbox Series X, PS5 dhe PC do të vijë bashkë me një veçori për next-gen, që nuk është e mundshme në PS4 ose Xbox One. Vitin e ardhshëm instalimi i tetë i lojës horror do të publikohet dhe do të jetë e para e serive që do të vijë në konsolat e gjeneratës së ardhshme.
Sado që loja do të jetë shumë larg shfrytëzimit maksimal të secilës prej konsolave, pasi është zhvilluar kaq pranë lançimit të tyre, ajo prapëseprapë do përdorë veçoritë shtesë të tyre për të bërë disa gjëra të lezetshme.
Sipas Capcom, PS5 dhe Xbox Series X do të mundësojnë avancime të mëdha në grafika dhe audio. Ndërkohë SSD që ka secila prej konsolave do i bëjë loading times të paperceptueshme. Me fjalë të tjera nuk do të ketë fare loading screens.
Në pamje të parë, ky është një lajm i shkëlqyer. Loading times janë të tmerrshme dhe i kanë frenuar prej kohësh lojërat që të ecin më para. Gjithsesi do të jetë interesante të shohim se çfarë do të nënkuptojë mungesa e loading times në një lojë horror.
Tani të mos paturit loading screens nuk është ndonjë gjë që ndryshon totalisht perceptimin e lojës, por është e vështirë të imagjinosh se si do të jetë zhdukja e tyre, kur përpara një dekade duhet të prisnim me orë të tëra teksa eksploronim Citadel në Mass Effect.