Zhvillimi i Resident Evil 3 Remake thuajse ka përfunduar

Capcom nuk di të humbë kohë.

Rrjedha e ngjarjeve në Resident Evil 3 duket tepër e shpejtë. Loja pasardhëse e Resident Evil 2 është përllogaritur që të vijë rreth një vit më vonë, një kohë tmerrësisht e shpejtë kjo duhet ta pranojmë. Shumë nga puna për instalimin e ardhshëm do të vijë nga loja e 2019ës, por prapë qëndron si arritje. Gati gati duket sikur zhvillimi ka marrë fund.

Producentët e Capcom: Peter Fabiano dhe Masao Kawada së fundmi ishin në një intervistë ku folën për Resident Evil 3 Remake. Pasi u përmend si tematikë lançimi i datës 3 prill, dyshja foli për stadin e tanishëm të lojës, duke thënë se zhvillimi i saj është “thuajse i përfunduar” dhe se loja është gati 90% e përfunduar. Ata gjithashtu premtojnë se nuk do të ketë vonesa.

Është inkurajuese të dëgjosh se progresi i saj po ecën kaq mirë. Sado që loja nuk është totalisht e përfunduar, duket sikur skuadra e zhvillimit thjesht po merret me gjërat e vogla në këtë pikë. Le të shpresojmë që rezultati përfundimtar do të jetë një eksperiencë po aq e mirë sa Resident Evil 2 Remake.