Remedy Entertainment sjell falas Death Rally

Për të festuar 25 vjetorin e krijimit, Remedy Entertainment jep falas përgjithmonë Death Rally

Përmes një postimi në Twitter, Remedy Entertainment bëri publike se do të jepte falas përgjithmonë lojën e tyre të parë, Death Rally. Nëse nuk e keni luajtur asnjëherë Death Rally, në këtë lojë do t’iu duhet të garoni kundër lojtarëve të tjerë dhe të luftoni kundër tyre nëpërmjet armëve të ndryshme.

Në story mode do t’iu duhet të fitoni para dhe të përmirësoni makinën tuaj në mënyrë që të mundni të ashtuquajturin Adversay dhe të fitoni titullin King of Death Rally. Është tepër argëtuese dhe do t’iu bëj të kaloni një kohë të gjatë me të.

Kjo nuk është hera e parë që loja e parë e Remedy vjen falas. Një version falas është zhvilluar më përpara në 2009 por ka opsione të limituara. Ju mund ta merrni lojën falas në Steam duke klikuar këtu. Gjithashtu duhet të dini që ky është versioni klasik dhe jo remake. Ju mund ta gjeni versionin më të ri në Steam me ulje dhe mund t’i merrni të dyja këto lojëra me një çmim të arsyeshëm.