Shitjet e Resident Evil 2, origjinali i 1998 dmth, ndodhen në shifrën e 4.96 milion, duke qenë kështu në vend të gjashtë si ndër lojërat më të shitura të Capcom. Tani sado që origjinali kishte një dekadë kohë, duket se remake-u është gati t’ia kalojë. Vetëm dy muaj pas lançimit, remake-u i lojës ka shitur 4.2 milionë, duke u futur menjëherë në top 10 e Capcom.
Një tjetër sukses i ngjashëm me këtë të parin, që u zbulua nga raportimet financiare është Devil May Cry V i cili mes datave 8-21 Mars shiti 2.1 milionë kopje.
Në një konferencë për shtyp që Capcom kishte dhënë në janar, ishte shprehur se në javën e parë të shitjeve, Resident Evil 2 dërgoi 3 milion njësi për të gjitha platformat në botë. Kjo e vendos lojën pak pas Resident Evil 7, që shiti rreth 3.5 milion kopje gjatë javës së lançimit në janar të 2017s.
Gjithsesi në gjuhën e Capcom, Monter Hunter: World do të mbetet ende e pathyeshme, me një trefishim të shifrave që Resident Evil 7 kapi në 2017. Është diçka e këndshme të shohësh një studio kaq të përkushtuar sa Capcom t’ia dalë kaq mirë.