Remake-u i Cache në CS:GO do të vijë në lojë në tetor

Cache do të lançohet pas mbylljes së ESL One New York

Një prej krijuesëve të hartës origjinale de_cache në CS:GO Shawn “FMPONE” Snelling ka publikuar datën zyrtare të lançimit për versionin remake të Cache.

Cache e re do të vijë në tetor, por kjo nuk do të thotë se ajo do të jetë pjesë e hartave Active Duty. FMPONE me shumë mundësi do ta lançojë hartën fillimisht në Steam Workshop, duke i dhënë lojtarëve një mundësi për ta shkarkuar dhe për ta luajtur vetë atë fillimisht.

Siç thotë FMPONE, ai po pret mendimin dhe përshtypjet e fansave dhe profesionistëve kur Cache të prezantohet nesër. Premiera botërore e remake të Cache do të transmetohet live në kanalin e Twitch të ESL ditën e sotme, në orën 17:20 në një ndeshje gjatë ESL One New York.

Fansat kanë pritur prej kohësh për të parë Cache-n e re në aksion dhe mesa duketp ritjes së tyre do t’i vijë fundi. Më herët në shtator, FMPONE tregoi pak nga arti i Cache, që duket se është inspiruar nga Cafe Pripyat në Chernobyl.

Cache ka qënë jashtë hartave Active Duty që prej marsit dhe duket se do të rikthehet pasi të ribëhet, një trend që duket se po ndiqet sërish pas rikthimit të Nuke, Dust 2 dhe Inferno.

Valve zakonisht heq hartat më të vjetra përpara se të fusë versione të ribëra të tyre. Prandaj, fansat me shumë mundësi duhet të presin që Overpass ose Mirage të hapin rrugë për Cache-n e re. Ky ndryshim mund të ndodhë përpara Major-it të rradhës në CS:GO në maj të 2020.

Duke qënë se FMPONE po pret përshtypjet e lojtarëve, mund të presim që Cache të mund të luhut rreth mesit ose fundit të tetorit, edhe pse një datë e saktë ende nuk është zbuluar.