Këto janë rekordet e vrasjeve në Call of Duty: Warzone

Shifrat janë të çmendura

Pasardhësja e mode-it të parë battle royale në historinë e Call of Duty, Warzone, tashmë është lançuar dhe lojtarët janë duke luftuar për të vendosur rekorde në lojë. Edhe pse ka vetëm 4 ditë që është lançuar, disa lojtarë kanë arritur të vendosin disa numra të frikshëm për sa i përket vrasjeve në lojë.

Warzone, momentalisht në beta, ende nuk ka Solo dhe Duo dhe lejon që këto rekorde të vendosen vetëm në Trios. Momentalisht, rekordi për më shumë vrasje në Trios është vendosur nga MaKa, KiLL3RCOd dhe scan1, të cilët arritën 58 vrasje në një ndeshje.

MaKa e postoi videon e ekipit të tij në YouTube në 13 mars.

Për sa i përket vrasjeve individuale në Warzone, ky rekord i përket streamer-it të Mixer GaGOD, i cili ka vendosur rekordin gjithashtu në 13 mars. Ai i shokoi shumë lojtarë të Warzone kur zbuloi se arriti 38 vrasje individuale ndërkohë që luante me ekipin e tij, duke vendosur një rekord shumë të lartë. Ndeshja u bë stream në Mixer.

Rekordet e Warzone pritet të shkojnë edhe më lart se ato të vendosura në Blackout, pasi Gulag i lejon lojtarët të ringjallen për të provuar sërish të marrin më shumë vrasje.

Momentalisht, rekordet në Warzone mund të vendosen vetëm në Trios, por presim që ato të thyhen në të ardhmen, kur Solo dhe Duo të vijnë në lojë.