Bëhuni gati për update-in e madh 3.0.0
Bëhuni gati për update-in e madh 3.0.0
Nintendo duket se na ka dhënë më shumë informacion mbi një mode të ri në Super Smash Bros. Ultimate nëpërmjet reklamës së saj të fundit për lojën.
Në sekondën e tretë të videos, një pamje e shkurtër e Nintendo Switch pranë një televizori na shfaq një mode të ri, me të cilën fansat e lojës janë dashuruar prej vitesh. Ky mode është, padyshim, Stage Builder.
Stage Builder i jep lojtarëve mjetet për të ndërtuar një stage nga fillimi e më pas për t’a përdorur atë për t’u ndeshur me miqtë e tyre. Disa lojtarë e kanë përdorur këtë mode për të krijuar pista me pengesa si dhe stage ku mund të praktikohen e testohen personazhet.
Ky mode pritet të përfshihet në patch-in e madh 3.0.0, të cilin Nintendo e prezantoi para pak kohësh. Së bashku me Stage Builder, në të pritet të vijë dhe personazhi i dytë DLC në Ultimate, Joker nga seria Persona.
Data e lançimit të patch-it ende nuk është zyrtarizuar. Megjithatë, Joker pritet të vijë gjatë prillit, kështu që mund të dëgjojmë më shumë mbi update-in dhe personazhin DLC tani afër.