Vitin e kaluar, regjizori i Hearthstone, Ben Brode njoftoi se do të largohej nga Blizzard. Në korrik pastaj u njoftua studioja e ardhshme, Second Dinner dhe në këtë pikë u bë e dukshme që bashkë me Brode edhe veteranë të tjerë do e ndiqnin pas. Sot studioja më në fund ka një projekt në duart e saj dhe kjo është një lojë e Marvel. Ende nuk kemi detaje ekzakte, por më në fund kemi një ide se çfarë është duke ardhur.
Loja e re ka qenë në fazat e hershme të zhvillimit prej gjashtë muajsh. Kjo do të thotë se projekti nisi që në fillimin e ndërtimit të studios. Listimet e punës përmendin se ata duan të bëjnë “lojëra që do të kënaqin përdoruesit, në mobile”
Ky përshkrim përshtatet me pritshmëritë tona, mbi të gjitha që në të gjenden edhe shumë njerëz nga Hearthstone. Duhet përmendur se ende nuk ka një konfirmim se si do të luhet ekzaktësisht kjo lojë, por nëse po kërkoni për një sukses të garantuar, kjo është çfarë ju duhet.
Second Dinner ka siguruar 30 milion $ sponsorizime nga gjigandi i teknologjisë Kineze, NetEase. Le të shpresojmë se nuk do të na duhet edhe shumë përpara se të shohim se çfarë po përgatitet nga ata.