Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Struktura e re do të ketë gjashtë liga rajonale
Dota Pro Circuit do të ndryshohet pas këtij viti kompetitiv, duke sjellë 6 liga rajonale, ku do të marrin pjesë në total 96 ekipe.
Struktura e re, e cila do të futet në fuqi pas The International 10, do të ketë liga për Europën, Amerikën e Veriut, Amerikën e Jugut, CIS, Azinë Juglindore dhe Kinën. Gjatë vitit të ardhshëm kompetitiv, do të ketë tre sezone, të cilat do të mbyllen me një Major ku do të arrin pjesë ekipet e çdo lige. Gjatë çdo sezoni dhe major, ekipet do të konkurrojnë për para dhe pikë në DPC.
Sistemi i ri i pikëve do të shërbejë si metoda për t’u kualifikuar në TI, me 12 ekipet në të gjitha ligat që do të kualifikohen menjëherë, ndërkohë që pjesa tjetër do të përballen për 6 vendet e mbetura.
Secila prej 6 ligave do të ketë dy divizione, Upper dhe Lower. Do të ketë rënie dhe zbritje nga divizioni gjatë çdo sezoni, me dy ekipet e fundit që do të bien nga kategoria, ndërkohë që dy më të mirat do të ngjiten. Dy ekpiet më të dobëta të Lower do të hiqen tërësisht nga liga dhe do të zëvendësohen me dy ekipet më të mira nga kualifikueset e hapura, që do të thotë se do të ketë lojtarë të rinj gjatë çdo sezoni.
Majors në fund të çdo sezoni do të përfshijnë 18 ekipet më të mira, me numrin e ekipeve nga çdo rajon të paracaktuar. Kina dhe Europa do të kenë 4 vende, Amerika e Veriut dhe Azia Juglindore 3, ndërsa Amerika e Jugut dhe CIS 2.
Introducing Regional Leagues.https://t.co/BJgYpOc735 pic.twitter.com/t4O9QY5vwX
— DOTA 2 (@DOTA2) February 26, 2020
Ky është një ndryshim shumë i madh në krahasim me vitet e mëparshme, me vetë Valve që thotë se këto ndryshime kanë si qëllim ta bëjnë Dota Pro Circuit më të saktë dhe të vazhdueshme.
Ndarja e çmimeve të fituesëve gjithashtu ka si qëllim të shpërndajë fitimet në mënyrë më të drejtë ndërmjet ekipeve që marrin pjesë në Regional League, me fitimet që do të shkojnë deri në vendin e gjashtë në Lower Division. Çdo ligë do të ketë një prize pool prej $280,000 çdo sezon. Majors do të kenë një prize pool prej $500,000 secili. Ende nuk dihet se çfarë do të ndodhë me The International, por pritet që struktura për eventin më të madh të qëndrojë e njëjta.
Sezoni i ri do të nisë në 5 tetor 2020.
