Reddit po teston foto profili me NFT

NFT është bërë tema më e folur së fundmi dhe sidomos me Twitter i cili solli një veçori që i lejonte përdoruesve të vendosnin si foto profili NFT. Dhe pas Twitter, platforma e radhës që do të sjellë këtë veçori është Reddit.

Ky lajm vjen nga TechChrunch i cili raporton se Reddit po eksperimenton me foto profili NFT por është akoma e paqartë se si kjo do të funksionojë fiks për përdoruesit e platformës. Twitter ka arritur që t’i ndajë përdoruesit normal nga ata që përdorin foto profili NFT. Kjo na bën të mendojmë se Reddit po mendon ndonjë mënyrë akoma edhe më interesante.

Tim Rathschmidt, Director, Consumer, Product Communications për Reddit është shprehur për TechCrunch se ata janë akoma duke eksperimentuar dhe testuar këtë veçori dhe mënyrën për të NFT si foto profili dhe avatar. Akoma nuk ka një vendim nëse kjo veçori do të jetë pjesë e platformës apo jo.

Por kjo nuk do të thotë se Reddit do ta kufizojë veten vetëm tek NFT. Pritet që Reddit të zgjerohet në shumë drejtime për sa i përket kripto dhe NFT duke marrë parasysh interesin e madh që drejtuesit e platformës kanë shprehur.