Rockstar Games ka njoftuar zyrtarisht që loja e tyre western, Red Dead Redemption 2, do të vonohet deri në pranverë 2018. Ky lajm ka zhgënjyer së tepërmi fansat. Gjithsesi, studioja ka vendosur që të nxjerrë disa pamje për të gjithë ata që kanë pritur prej disa muajsh tashmë.
Siç mund ta shihni dhe më poshtë, fansat kanë mundësinë që të shohin skena të ndryshme të vendosura në mjediset Red Dead Redemption 2, në disa prej të cilave ndodhet edhe protagonisti i lojës. Rockstar Games nuk ka bërë shumë shpjegime mbi kontekstin e këtyre fotove përveçse ka kërkuar falje për vonesën. Nuk është dhënë asnjë shpjegim mbi mënyrën se si këto karaktere do të prezantohen në produktin final, ose në çfarë kapaciteti.
Edhe pse spekulimet janë të shumta për kaubojin, se çfarë lloj karakteri është banditi me bandana mbi gojë dhe se duart e kujt janë ato që mbajnë pistoletën e argjendtë, fansat nuk mund të ankohen pasi këto skena nuk janë asgjë më pak se fantastike. Me një rezolucion kaq të lartë, modele karakteresh të detajuara, ndriçim shumë të mirë dhe me peizazhe të pasura mund të themi me siguri që të shumtë do të jenë ata që do të fiksohen me këto pamje për disa kohë, ashtu siç bënë me trailerin e parë të lojës.
Me vonesën e Red Dead Redemption 2 deri vitin tjetër tashmë, ekziston mundësia që këto pamje do të jenë informacioni i fundit nga Rockstar Games për disa kohë, sidomos duke marrë parasysh qetësinë që mbajti zhvilluesi që në momentin e zbulimit të titullit. Edhe pse ekziston mundësia që studioja të mundësojë një prezantim për Red Dead Redemption 2 gjatë konferencës së E3 në Qershor 2017, kjo është thjesht një hipotezë.
Red Dead Redemption 2 është duke u prodhuar për Plystation 4 dhe Xbox One, me datë lançimi diku rreth pranverës së 2018-ës.
