fbpx
Esports

Red Bull Player One: Ky është përfaqësuesi i Shqipërisë në Brazil

Shqipëria kthehet globale! Gjithçka ndodhi në Red Bull Player One Albania.

Red Bull Player One është një turnament i organizuar globalisht nga Red Bull në çdo vend të botës. Turnamenti i drejtohet lojtarëve amatorë të League of Legends dhe ka si qëllim të përzgjedhi një fitues nga çdo shtet për ta çuar të konkurojë në Brazil, ku gjatë rrugës do të trajnohet nga profesionistë për të përfaqësuar vendin e tij në rang global. Është hera e parë që një turnament i një madhësie të tillë vinte në vendin tonë dhe këtu qëndrontë pikërisht edhe rëndësia kryesore e tij. Jo më larg se të shtunën që lamë pas, në 6 korrik, u mbajt finalja e madhe në Cineplexx, ku u zgjodh edhe fituesi që në dhjetor, do të përfaqësojë Shqipërinë mes qindra vendeve të tjera.

Që dhe ju ta kuptoni më mirë se çfarë ndodhi, është e rëndësishme që të shpjegojmë strukturimin e turnamentit fillimisht. Ndryshe nga LoL-i tipik 5v5, Red Bull Player One mbahet në ndeshje custom 1v1. Nga katër grupe në fazat eleminatore u përzodhën 16 lojtarë për secilin. Në çerekfinale do të kalonin 64 lojtarë, që me rradhë do të përgjysmoheshin në gjysëmfinale, derisa të mbeteshin 16 lojtarët finalistë.

Pjesa e eleminatoreve u mbajt online. Lojtarët kontaktoheshin nga ne për tu futur në lojë dhe çdo ndeshje monitorohej për të parë se kush kalonte dhe për tu siguruar që ndeshjet po luheshin në mënyrë të pastër. Ishte fitues ai që kapte 100 minions, vrasjen ose kullën e parë. Çdo përballje luhej në Best of 3.

Faza e çerekfinaleve u mbajt në sallën e NET1, ku siç thamë edhe më lart, përmes të njejtin strukturim, u përzgjodhën 16 finalistët. Sigurisht që pjesa më e bukur e të gjithë turnamentit, si nga ana e eksperiencës, emocioneve ose dhe vetë strukturimit ishte finalja, që u mbajt në sallën e Cineplexx QTU. 16 lojtarët pjesëmarrës do të luanin roundin e parë, në ndeshje Best of 1, gjë kjo që vërtet i vuri të gjithë në ankth. Kështu me kalimin e kohës nga 16, mbetëm në 8, në 4, në 2 dhe në fund Player One, që rrëmbeu çmimin e parë.

Jurgen Verdhi, me emrin e tij intrigues në lojë T5 Catsexual është ai që do e përfaqësojë vendin tonë në Brazil. (No pressure Verdhi) Gjithsesi të gjithë lojtarët ishin fantastikë dhe na kanë habitur deri në minutën e fundit me aftësitë e tyre. Egoja ishte në klimaksin e saj, por kjo sërish nuk i ndaloi lojtarët të argëtoheshin në atë që po bënin.

Ndeshjet qenë spektakolare. Po luhej për një çmim vërtet të madh, por në fund të ditës lojtarët padyshim që u argëtuan. Ndërmjet zgjedhjeve të zakonshme për 1v1 si Caitlyn dhe Lucian, u luajtën gjithashtu dhe disa kampionë mjaft interesantë, siç ishte Nidalee, Lee Sin dhe Heimerdinger. Lojtarët ishin të nivelit më të lartë, çka na dha mundësinë të shikonim disa plays të mrekullueshme, dinjitoze për një kampionat të këtij niveli. Gameplay ishte fokusi i këtij tournament-i dhe nuk u zhgënjyem aspak prej tij.

I gjithë turenu, krahas prezantimit në sallën e Cineplexx, ku të gjithë kishin mundësi të merrnin biletën falas dhe ta shihnin, u transmetua edhe live në kanalin tonë të YouTube: GameOn Albania. Ritransmetimin e finales mund ta gjeni këtu.

Në fund të ditës jemi shumë të kënaqur me çdo gjë. Ju falenderojmë edhe një herë ju që na keni ndjekur. Mbështetja juaj është shumë e rëndësishme për ne dhe shpresojmë të shihemi sërish në turnamente të tjera. Deri atëherë, GameOn!