Red Dead Redemption 2 është një lojë fantastike. Disa mund të thonë se ishte loja më e mirë për 2018, vitin kur u lançua origjinalisht për PlayStation 4 dhe Xbox One. Në disa raste të tjera është vlerësuar si loja më e mirë e vitit për 2019n dhe tani, përdoruesit e Steam e kanë nxjerrë edhe si lojën e vitit për 2020n. Tre vite rresht. Vetëm Rockstar arrin të bëjë të tilla kryevepra.
Red Dead Redemption 2 erdhi në Steam në dhjetor të 2019s, pra një muaj pasi u lançua në Epic Games Store dhe Rockstar Launcher. Nominimet e Steam Awards zakonisht merren përpara Winter Sale që ata bëjnë në dhjetor, ndaj kjo është arsyeja pse RDR 2 ishte në nominimet e 2020s dhe fitoi.
Përdoruesit e Steam e votuan atë si lojën më të mirë të vitit, duke mundur kështu Hades, Doom Eternal, Fall Guys dhe versionin në PC të Death Stranding.
Duke qenë se kategoritë ishin me votat e përdoruesve, teknikisht ky është i gjithi vetëm një konkurs popullariteti, por të paktën e dimë që me Red Dead Redemption 2 nuk ka njeri kundërshtime. Mund të shikoni pjesën tjetër të fituesve të Steam Awards këtu.