Razer sjell një seri turnamentesh Fortnite në Europë, ku mund të marrin pjesë të gjithë

Brandi i gaming Razer ka njoftuar fazën e ardhshme të Esports World Tour. Në një deklaratë të re për shtyp, kompania ka njoftuar se Razer Invitational Europe do të fokusohet në Fortnite, në atë që shpreson të jetë një set turnamentesh javorë.

Ky event pritet të mbledhë deri në 5,000 konkurentë përgjatë rajonit të Europës, të cilët do të përballen në gjashtë turnamente javorë, që do të fillojnë të zhvillohen nga data 10 dhjetor deri në 30 janar 2021. Sipas deklaratës për shtyp: “çdo javë do të sjellë tre sete turnamentesh në ditë për të luajtur, me fazat e kualifikuesve dhe playoff në dy ditët e para, për të vazhduar me finalet çdo të shtunë.”

Razer po synon ta realizojë eventin në mjedisin më gjithëpërfshirës që mundet. Përsa i përket aftësive, Razer thotë se:“gamers të çdo niveli, qofshin amatorë, me eksperiencë ose pro mund të bashkohen dhe të luajnë.” Përtej kësaj, duke qenë se eventi është vetëm dixhital, lojtarët nuk duhet të udhëtojnë në një vend specifik për të konkuruar. Kompania gjithashtu vë në dukje vendimin për të zgjedhur Fortnite si lojë është për shkak të prezencës së saj të gjerë në ekosistemin e gaming.

Përsa i përket çmimeve, Razer premton para dhe hardware nga vetë kompania siedhe nga sponsora si Intel, Seagate dhe Pringles.