Loja do të jetë falas deri në 6 dhjetor.
Loja do të jetë falas deri në 6 dhjetor.
Nëse i keni shpenzuar të gjitha paratë tuaja me uljet e Black Friday, por ende doni të përfitoni nga një marrëveshje e fundit, loja falas e Epic Games është ekzaktësisht ajo që ju duhet. Nga tani deri në 6 dhjetor, Rayman Legends mund të merret nga të gjithë, falas.
Sado që është një lojë e mirë single-player, pak a shumë si të gjitha aventurat e Rayman, pika ku Rayman Legends shkëlqen, është pjesa co-op. I gjithë qefi është të thërrasësh katër shokë dhe të kaloni nivel pas niveli së bashku, ku shumë prej të cilëve janë të dizenjuar t’ju vrasin në mënyrat më acaruese që mund të mendoni.
Platformeri i 2013s së Ubisoft, një vazhdim i Rayman Origins të 2010s, u fokusuar në energjinë dhe gameplay-in e paraardhëses së saj, për të bërë atë që sot njihet si një nga lojërat platform më të mira në PC. Loja hasi vështirësi në shitje kur u lançua fillimisht, por me kalimin e kohës ajo u bë një hit dhe numrat filluan të rriteshin. Nëse jeni një nga ata që e nënvlerësuat kur doli në fillim, kjo është mundësia perfekte për ju.
Lojërat falas të Epic Games Store i kanë lejuar përdoruesit të krijojnë një koleksion shumë të vlefshëm, pa patur nevojën të harxhojnë një kokërr leku. Lojëra si Celeste, Inside, Nuclear Throne dhe shumë të tjera me vlerësime të larta, janë ofruar falas, për të tërhequr më shumë njerëz në Epic Games Store.
Rayman Legends është e disponueshme falas deri në datë 6 dhjetor.