CEO i Gearbox, Randy Pitchford ka dhënë opinionin e tij rreth fushatës review-bombing në Steam, që po targeton lojërat origjinale të Borderlands, pas njoftimit se Borderlands 3 do të jetë përkohësisht ekskluzive e Epic Games Store.
Në këtë pikë në fakt historia është bërë shumë e dëgjuar: Një lojë njoftohe si një ekskluzive e Epic dhe përdoruesit e Steam e shfryjnë inatin te paraardhëset e lojës në faqe, duke e bombarduar me reviews-a negative. Mund ta rikujtoni këtë fenomen me lojën Metro Exodus.
Zhvilluesi i Gearbox, Scott Velasquez i bëri retweet një postimi që tregonte reviews-at negative në dy lojërat e para Borderlands, duke thënë “Sështë gjë e mirë të keqpërdorësh një sistem të tillë dhe @steam_games ti vijë turp që e ka lejuar”
Pichford i ktheu përgjigje duke shtuar: “Për ironi, fakti që ky keqpërdorim është i mundur dhe që Steam ska interesa për ta rregulluar më bën të lumtur për vendimin e 2K për ta lançuar Borderlands në Epic Store dhe më bën të rikonsideroj pozitat e Gearbox Publishing në platformën e Steam.”
Është e kuptueshme kjo nga ana e një zhvilluesi, por nuk është fort e vërtetë se Valve po bën një sy qorr me fenomenin e review bombing. Muajin e kaluar Steam implementoi një sistem që automatiksht injoron review-sat pa lidhje me lojën dhe i eleminon ato nga totalja e pikëve.
Ky sistem është vënë në punë edhe për lojërat e Borderlands dhe reviews-at për Borderlands 2 në Steam janë 90% pozitive. Ato negativet sërish shfaqen po bëre scroll nga fundi, por nuk do e ndikojnë lojën ose zbulueshmërinë e saj.
Për momentin plani është që 2K të lançojë Borderlnds 3 në Steam, gjashtë muaj pasi loja të paraqitet fillimisht në Epic, por gjithsesi duket se Randy Pitchford po e rimendon qëndrimin e tij për lojërat e së ardhmes.