Ndryshimet vijnë kryesisht tek aftësia e skanimit të Jackal
Ndryshimet vijnë kryesisht tek aftësia e skanimit të Jackal
Update më i ri në serverat e testimit të Rainbow Six Siege ka ardhur dhe duket se Ubisoft ka planifikuar disa ndryshime për Jackal. TTS ka sjellë disa ndryshime shumë të mëdha për operatorin, të cilat kryesisht fokusohen tek aftësia e skanimit të Jackal. Zhvilluesit shpresojnë që këto ndryshime t’i japin lojtarëve më shumë informacion si dhe mundësinë të marrin vendime më interesante.
Jackal do të marrë një numër të ndryshëm pings në varësi të moshës së një shenje hapi. Nëse ka më pak se 15 sekonda, ai merr 5 pings, 30 sekonda merr 4 pings, 60 sekonda merr 3 dhe 90 sekonda merr 2. Secila kategori moshe ka një ngjyrë të ndryshme kur Eyenox është aktiv, pra ju do të keni mundësi të kuptojnë menjëherë moshën e hapave.
Sapo ta skanoni atë, ti mund t’ja japësh informacionin ekipit tënd, gjë e cila bën që hapi të zhduket por i jep të gjithë ekipit vendndodhjen e kundërshtarit. Gjithashtu mund të zgjedhësh ta mbash informacionin për vete, duke i lënë hapat në ekran për të gjurmuar kundërshtarin.
“Kemi si qëllim që informacioni i Jackal të jetë më efektiv dhe më me nuancë, por duke vendosur theksin tek vendimet e lojtarëve në lidhje me mënyrën se si Jackal përdor informacionin,” – tha Ubisoft në Reddit.
Deri më tani, kjo tentativë ka mbetur vetëm në serverat e testimit. Këto ndryshime mund të duken ndryshe në lojë ose mund të zhduken tërërisht, por duket se zhvilluesit kanë plane të mëdha për stilin e lojës të Jackal.