Rainbow Six Siege po teston një buff për Kaid dhe ACOG shotgun

Në një patch të ri për test serverin e Rainbow Six Siege Operation Shifting Tides, Ubisoft po përpiqet të balancojë ndryshimet që do të kishin një impakt të rëndësishëm në meta. Electroclaws të Kaid kanë më shumë fuqi, disa shotguns do të marrin një nerf dhe tani mund të bashkoni ACOG me BOSG. Testimi i Vulcan Graphics API gjithashtu është në proces e sipër.

Si me çdo periudhë testimi, nuk ka garanci që këto gjëra do të vijnë në lojë, por le të shpresojmë që disa prej tyre t’ja dalin.

#BOSGACOG

Ky ndryshim ka një prejardhje të pazakontë. Askush nuk kërkoi që slug shotgun të ishte e përputhshme me ACOG derisa YouTuber-i BikiniBodhi solli fushatën #BOSGACOG në Twitter në shtator. Pas disa muajsh fansat dhe figura të tjera të shquara vendosën që ta bombardonin Ubisoft me këtë kërkesë dhe tani ajo po bëhet realitet.

Pavarësisht se çfarë mund ta ketë inkurajuar këtë gjë, logjika pas pas është e qëndrueshme. BOSG është një armë që zor se përdoret për shkak të rrezikshmërisë së lartë që paraqet. Pak a shumë ose i realizon të dyja goditjet ose humbet betejën. Shtimi i ACOG i jep lojtarit një mundësi më të mirë për të kapur headshots dhe e bën atë edhe më të adaptueshme.

Është interesante të shohim Ubisoft të implementojë një ndryshim të bazuar vetëm në hashtagun e një YouTuber-i.

KAID

• Rrezja e Electroclaw rritet deri në 1.3 m (nga 0.75 m)
• Impact Grenades zëvendësohen me Barbed Wire

Rrezja shtesë në Electroclaws të Kaid nënkupton që në disa hartë, një kthetër e vetme mund të elektrizojë tre mure njëheresh. Momentalisht një mbrojtje e mirë të do edhe Bandit edhe Kaid që të mbulojnë muret e rëndësishme. Kaid duhet të jetë në gjendje ta bëjë vetë pjesën më të madhe të punës tani.

CAVEIRA

• Damage i M-12 SMG rritet në 40 (nga 36)

Ubisoft do tu japë lojtarëve në arsye për të përdorur Caveira M-12 SMG në vend që thjesht të rrini me pistoletën Luison në dorë. Një rritje e vogël në damage mund ta inkurajojë më shumë përdorimin e saj, por si duket ata nuk e kanë menduar mirë arsyen përse lojtarët gjithmonë rrinë pas Luison. Nuk është dëmi që ajo shkakton, por fakti që nuk i vret menjëherë armiqtë. Kjo gjë i lejon Caveira që ti marrë në pyetje dhe t’i sjellë një avantazh të madh skuadrës së saj.

ELA

Ubisoft thotë se FO-12 shotgun e Ela dallon mbi të tjerat si shumë e fortë. Është pa dyshim semi-auto shotgun më e mirë për momentin, sado që shotguns nuk janë shumë popullore përgjithësisht. Ubisoft theksoi se fuqia e FO-12 është më agresive në konsola, ku shënjestra është më pak preçize. Qëllimi këtu është një FO-12 të ndjehet më shumë si semi-auto shotguns të tjera.

BUG FIXES

Në këtë patch gjithashtu do të adresohen bugs të caktuara që lojtarët kanë vërejtur, përfshirë këtu disa që kanë keqinterpretuar si ndryshime të qëllimshme.