Dy operatorët e rinj do të jenë Ace dhe Melusi
Dy operatorët e rinj do të jenë Ace dhe Melusi
Pas zbulimit të teaser-it të Operation Steel Wave në Rainbow Six Siege, një klip i ri i cili prezanton dy operatorët e rinj të lojës është bërë leak. Mesa duket, ata janë një Attacker i quajtur Ace dhe një Defender e quajtur Melusi.
Klipi i postuar në subreddit-in e Rainbow Six tregon disa pamje kinematike të operatorëve të rinj, me Melusi që ndodhet poshtë një peme akacie me perëndimin pas saj, ndërkohë që Ace zbret përmes një tubi industrial dhe futet në një dhomë të errët.
Përveç pamjes së tyre të parë dhe dy fjalive nga secili prej tyre, nuk zbulohet shumë informacion rreth operatorëve të rinj. Mund të shohim pak nga aftësitë e tyre, por jo detaje konkrete. Duke parë Year 5 roadmap, dy operatorët që do të vijnë në Steel Wave do të jenë nga Afrika e Jugut dhe Norvegjia. Thuhet se njëri prej tyre do të jetë një hard breacher, ndërkohë që tjetri do të ketë një pajisje në formë piramide që ngadalëson të tjerët.
Ka mundësi që këta të jenë dy agjentët e zbuluar në këtë klip, me këtë pajisje që deri diku tregohet në trailer, por deri tani gjithçka mbetet një spekulim. Ju mund t’i hidhni një sy trailer-it më poshtë:
Do të na duhet të presim deri të hënën, 18 maj, për të parë zbulimin e plotë të operatorëve që Ubisoft do të sjellë në Rainbow Six Siege në Year 5 Season 2, Steel Wave.