Një vazhdim i lojës nuk është në planet e Ubisoft.
Një vazhdim i lojës nuk është në planet e Ubisoft.
Ubisoft nuk ka në plan të sjellë një vazhdim për Rainbow Six Siege akoma. Përkundrazi kompania ka si qëlim ta sjellë lojën në konsolat e gjeneratës së ardhshme si PlayStation 5 dhe Xbox Scarlett.
Drejtori i brandit të lojës, Alexander Remy tha në një intervistë se Ubisoft nuk do që ta ndajë komunitetin e lojës në dy platforma të ndryshme.
“Arsyeja pas kësaj është se ne nuk duam ta përçajmë komunitetin tonë në platforma,” tha Remy. “Në një botë ideale ne do të donim që lojtarët nga çdo platformë të jenë në gjendje të luajnë së bashku. Edhe gjeneratës së ardhshme duam ti afrohemi me të njejtën ide.”
Gjithsesi Ubisoft nuk do që ti kërkojë lojtarëve të blejnë një kopje tjetër të Rainbow Six Siege në konsolat e rinj, ndaj me shumë mundësi loja do të ketë backward compatibility mes konsolave të rinj dhe të vjetër.
PlayStation 5 dhe Xbox Scarlett do të kenë më shumë fuqi hardware se paraardhësit e tyre. Sony dhe Microsoft po punojnë që ti sjellin këto nga fundi i 2020s.