Rainbow Six Siege dhe më shumë do të vijnë falas në Xbox Game Pass

Edhe pse një lojë pothuajse pesë vjeçare, Rainbow Six Siege është një prej lojërave më popullore të momentit dhe tashmë mund ta luani nëpërmjet Xbox Game Pass

Xbox Game Pass ka qënë një prej temave më të diskutuara kohët e fundit për shkak të larmishmërisë së madhe të lojërave që iu ofron. Kësaj here Xbox Game Pass do të sjellë disa lojëra fantastike duke përshirë tituj si Doom Eternal, Final Fantasy XV, Forza Motorsport 7 dhe Nier: Automata.

Në një postim në Twitter, Xbox Game Pass ka postuar një foto ku tregohet një ylber duke lënë një mesazh të fshehur mbrapa këtij posti. Nëse e shikoni me vëmendje do të vini re se në foto janë gjashtë ylber nën një fortesë e cila po sulmohet nga një ushtri. Nëse bëjmë lidhjen e fjalëve zbulojmë se bëhet fjalë për lojën Rainbow Six Siege.

Nga e gjithë kjo kuptojmë se Rainbow Six Siege do të vijë së shpejti në Xbox Game Pass. Edhe pse një lojë e cila mbush së shpejti pesë vite, përsëri është një prej lojërave të cilat po dominojnë në tregun e gaming. Përveç kësaj, shumë lojëra të tjera janë shtuar ketë muaj si në PC po ashtu edhe në konsole si Brutal Legend, Doom Eternal, Forza Motorsport 7, Ikenfell, Drake Hollow dhe shumë të tjera.