Lojtarët e Rainbow Six Siege janë të pakënaqur me rikthimin e Clash

Rikthimi i operatores duket se ka shqetësuar lojtarët e Rainbow Six Siege

Rainbow Six Siege ka kaluar përtej pritshmërive të lojërave tipike FPS. Edhe pse ka tashmë thuajse 5 vite që është lançuar, loja ka mbetur popullore falë mbështetjes së vazhdueshme nga Ubisoft, që ka sjellë vazhdimisht harta dhe operatorë të rinj.

Megjithatë, edhe pse një lojë ka kohë që është popullore nuk do të thotë që ajo nuk ka bugs dhe glitches, sidomos për sa i përket operatorëve të rinj. Clash, e cila ka një mburojë të elektrizuar, u shtua gjatë Year 3.

Ajo krijoi menjëherë ploemika në komunitetin e Rainbow Six, i cili u acarua sepse një tjetër operator me mburojë u shtua në lojë. Kjo u përkeqësua nga fakti se ajo mund të bënte damage dhe të ngadalësonte kundërshtarët me mburojë.

Gjithashtu, muaj pas ardhjes së saj, lojtarët vunë re se mund të abuzonin me të, duke nxjerrë armën por duke mos u goditur nga përpara për shkak të një glitch-i me personazhin. Kjo bëri që Ubisoft të hiqte për një periudhë kohe Clash nga loja.

Në 10 janar, Ubisoft konfirmoi se Clash do të rikthehej në Rainbow Six gjatë patch-it Year 4 Season 4.2 “Exploit-i i Clash do të rregullohet në patch 4.2 dhe ajo do të rikthehet në lojë. Më shumë informacion për Y4S4.2 do të publikohet më vonë.”

Ata gjithashtu konfirmuan se ndryshime të tjera do të vinin në lojë së bashku me rikthimin e Clash. Pavarësisht se problemet me të u rregulluan, shumë lojtarë nuk ishin të kënaqur me rikthimin e saj.

Streamer-i dhe ish-kampioni i botës në Rainbow Six George “KingGeorge” Kassa i tha Ubisoft: “Ju lutem vonojeni update-in, çdo ditë pa Clash është një ditë e mirë.”

Edhe lojtarë të tjerë të Rainbow Six e mbështetën mendimin e tij. Njëri prej tyre madje tha se do të ishte më mirë që Clash të hiqej përfundimisht nga loja.

Pavarësisht ankesave të lojtarëve, Clash do të rikthehet në lojë së shpejti. Nuk dihet nëse ajo do të bëhet nerf në të ardhmen, bazuar tek mendimi i lojtarëve.