Ubisoft mund të njoftojë një spin-off co-op të Rainbow Six Siege të hënën.
Ubisoft mund të njoftojë një spin-off co-op të Rainbow Six Siege të hënën.
Një tjetër lojë ka rënë viktimë e leaks-ave të E3. Sipas një të burimi të brendshëm, Ubisoft do të njoftojë Rainbow Six Quarantine, një co-op të ri, si spin-off i lojës origjinale, gjatë konferencës së tij në E3 2019.
Thashethemet mbi një lojë të re të Ubisoft filluan të qarkullonin këtë javë, kur Jason Schreier sugjeroi se loja do të bazohej në projektin Pioneer të Ubisoft.
Tani që vjen si një lojë e re e Rainbow Six, të gjitha copëzat po fillojnë të kenë sens. Gjasat janë që Quarantine është e bazuar në mode-in e famshëm Outbreak, të prezantuar në Rainbow Six Siege në Mars të 2018s. Kombinimi i gunplay-it të Siege me strukturën e Left 4 Dead solli një pëlqim të pamasë nga lojtarët. Në atë kohë të gjithë mendonim se Ubisoft do ta rivizitonte si koncept dhe do të shtonte më shumë misione
Që kur eventi doli vitin e shkuar, fansat i janë lutur vazhdimisht Ubisoft që të risillte Outbreak sërish dhe në çdo rast kompania ka këmbëngulur duke thënë se ishte një gjë që do bëhej vetëm një herë. Nëse Quarantine do të jetë e vërtetë, e dimë pse Outbreak po zgjerohet në vetë lojën e saj.
Nuk e dime se deri ku mund të jetë bazuar Quarantine në Siege. Sado që Outbreak mode kishte shumë operatorë të Siege të përfshirë në të, Quarantine mund ti lërë të gjitha këto pas për botën dhe personazhet e tij unikë.
Në fund pyetja qëndron se përse Ubisoft do të bënte një lojë të re nga e para, në vend që ta implementonte si një pjesë të Siege, një lojë që e ka gati bazën e lojtarëve. Përgjigjia e qartë është që kompania dëshiron të shesë një lojë të re në çmimin e saj të plotë.
Nëse Rainbow Six Quarantine është e vërtetë, do të zbulojmë më shumë për të në konferencën e Ubisoft, të hënën në 10 qershor.