Më saktë në periudhën janar-shkurt.
Më saktë në periudhën janar-shkurt.
Që pas njoftimit në E3 2019, nuk kemi dëgjuar asgjë për Rainbow Six Quarantine. Gjithsesi mund të kemi një ide të përafërt se kur do të vijë loja. Sipas CEO së Ubisoft, Yves Guillemot, Rainbow SIx Quarantine do të lançohet përpara fundit të vitit fiskal. Pra me fjalë të lehta i bie në një periudhë kohore përpara prillit të 2020s.
Quarantine fillimisht u njoftua si një lojë që do të vinte në 2020n , por kjo e ngushton edhe më shumë rrethin e datës së saj të lançimit. Është vënë re se Ubisoft shfaq një lloj patterni në datat e lançimit të lojërave. Zakonisht ato vijnë nga fillimi i vitit në periudhën e janarit ose të shkurtit.
Pjesa që të bën ta dyshosh pak si teori është tek dy lojërat e tjera të Ubisoft, Watch Dogs legion (6 mars) dhe Gods & Monsters (25 shkurt). Ubisoft me shumë gjasa do të lërë një distancë në lançimet mes tyre, pra në një parashikim do të thonim në muajin janar ose në fillim të shkurtit.
Kompania ka ambicie të mëdha për Quarantine. “Çfarë është Siege për zhanrën PvP shooter, do të jemi ne për PvE co-op” janë shprehur ata në E3. Quarantine po zhvillohet nga një skuadër e re brenda Ubisoft Montreal, zhvilluesit e Rainbow Six Siege.
Traileri i lojës që gjithashtu u zbulua në E3 jep një ide më të mirë se çfarë duhet të prisni prej saj. Shikojeni atë më poshtë.