Rainbow Six Siege do të vijë në PS5 dhe Xbox Series X që në ditën e lançimit

Shooter-i gjithashtu do të sjellë cross-generation play.

Rainbow Six Siege do të vijë në PS5 dhe Xbox Series X, duke u lançuar në të njejtën ditë me konsolat. Kjo sipas drejtorit të lojës, Leroy Athanassof, në një intervistë me Windows Central.

Athanassof tha: “Ajo çfarë mund të them është se do të jemi me konsolat që në lançim. Se kur do i lançojnë konsolat, është në dorë të tyre, por për Siege synimi ynë është që ta bëjmë të disponueshme që në lançim.”

Ky nuk është i vetmi lajm i gjeneratës së ardhshme që erdhi nga Athanassof për Rainbow Six Siege, pasi ai gjithashtu foli për ardhjen e cross-generational multiplayer në shooter. “Kjo do të thotë se nëse luani në PlayStation 5 do të mund të bëni matchmake me PlayStation 4.”

Përtej cross-generational multiplayer, Athanassof gjithashtu foli për cross-platform play dhe cross-platform progression. Drejtori i lojës tha se skuadra shpreson që të implementojë cross-platform progression në një pikë, duke i dhënë mundësi lojtarëve që të zhvendosin adresat përgjatë platformave.