Ubisoft do të fillojë sërish me ban-e për lojtarët. Në një postim të bërë së fundmi në Subreddit-in e R6S, u detajua se çfarë do të ndodhte me debimet për Chat Symbol Exploit.
Që të kuptojmë më mirë duhet ta kthejmë historinë nga e para. Një bug shumë i madh ishte në Rainbow Six Siege që i lejonte lojtarët ta detyronin një ndeshje që të dështonte, duke shtypur simbole të caktuara në chatt. Për ta luftuar këtë fenomen, Ubisoft ka vendosur të fillojë një valë strikte dëbimesh ndaj lojtarëve.
“Duke nisur nga nesër, do të fillojmë një valë ndalimesh, të mbështetur në Code of Conduct.“ U shpreh kompania.
Sipas postimit, ka disa gjëra të caktuara që lojtarët nuk lejohet të bëjnë në Rainbow Six Siege. Që nga kjo pikë, Ubisoft ka shtuar edhe dy pika të reja në sektorin e Forbidden Conduct.
FORBIDDEN CONDUCT:
- Veprimet e mëposhtme dhunojmë Kodin e R6S dhe do të sjellin marrjen e masave disiplinare ndaj lojtarit.
- Çdo lloj shkelje, që ndërpret rrjedhën e vazhdueshme të Gameplay-it në lojë, forume ose çfarëdolloj trajte tjetër të parashtruar është e ndaluar.
Ubisoft gjithashtu foli për këto bans, duke thënë se do të shënjestrojë vetëm lojtarët që e kanë abuzuar këtë bug të lojës për të sabotuar ndeshjet. Kompania shtoi se këto bans do të aplikohen në varësi të shpeshtësisë së përdorimit të këtij exploit-i. Pra lojtarët që e kanë përdorur më shumë do të dëbohen nga loja për një periudhë kohore më afatgjatë.
Për fatin e keq të Ubisoft, nuk është kjo hera e parë që lojtarët kanë mundur të gjejnë një mënyrë për të bërë exploit mekanikat e gameplay-it të Rainbow Six Siege. Ky vendim i kompanisë për situatën e kësaj rradhe ka sjellë dyjëzime në reagimet e lojtarëve. Disa e shikojnë këtë si një hap të guximshëm nga ana e Ubisoft, për të sjellë një lojë më të drejtë dhe të tjerë mendojnë se faji që ky bug erdhi që në fillim, ishte i kompanisë.
“Nëse ky bug ka ardhur si pasojë e kodimit të lojës, atëherë është ajo që duhet ndrequr.” Shprehet një përdorues.
Mbetet të shohim se sa seriozisht e ka Ubisoft me punën e dëbimeve dhe se sa lojtarë do të preken nga kjo.
Rainbow Six Siege e Tom Clancy është e disponueshme për PlayStation 4, Xbox One dhe PC. Loja së shpejti mund të jetë e disponueshme edhe për konsolat e gjeneratës së ardhshme: PS5 dhe Xbox Scarlett.