Së bashku me Pyke vijnë dhe Jinx, Irelia, Akali dhe Warwick
Së bashku me Pyke vijnë dhe Jinx, Irelia, Akali dhe Warwick
Një prej linjave më popullore të skin-eve në League of Legends do të ketë një rikthim spektakolar. Ditën e djeshme, Riot Games zbuloi një trailer të ri i cili tregonte skin-et e reja Project që do të vijnë në lojë në të ardhmen.
Trailer-i, të cilin mund ta shihni më poshtë, tregon katër prej pesë skin-eve që do të vinë në universin alternativ në të ardhmen që zë Project. Pyke, i cili do të marrë një skin Legendary gjatë këtij eventi, zë vendin kryesor në trailer, duke shpuar tej për tej një robot të pafat me anë të Bone Skewer (Q) së tij.
Trailer-i gjithashtu zbulon dhe skin-et e reja për Jinx, Irelia dhe Akali. Producenti i videos Riot EarthSlug zbuloi se një teaser për një skin të pestë ishte fshehur në trailer. Lojtarëve nuk ju desh shumë kohë për të zbuluar se Project: Warwick ishte përmendur në tags të videos, çka do të thotë se Warwick do të jetë gjithashtu pjesë e këtij seti skinesh.
Përtej gjërave që kemi parë, Riot nuk na ka treguar shumë për skin-et, edhe pse dizenjuesi i eventeve dhe misioneve Xenogenic thotë se një event Project do të vijë me një Event Pass dhe një skin Prestige, në mënyrë të ngjashme me eventin Arcade në lojë tani.
Herën e fundit që skin-et Project erdhën në lojë, në nëntor të 2017, erdhi gjithashtu një mode i ri i quajtur Overcharge. Mode ishte 3v3 ku lojtarët mund të luanin vetëm marksmen dhe fitonin pikë duke vrarë kundërshtarët e tyre. Nuk dihet nëse Overcharge do të rikthehet ose nëse Riot do të sjellë diçka të re.
Me shtimin e pesë kampionëve të rinj, universi Project (i cili ka brenda tij dhe skin-et Program) është tashmë një prej universeve më të populluara të LoL, me 23 personazhe në botën e tij. Besojmë se skin-et e reja do të vijnë në lojë gjatë patch-it 9.15 dhe do të nisemi drejt së ardhmes pas vetëm pak javësh.