Puse nënujore hapen në Fortnite përpara përmbytjes së Season 3

Tuba uji nën ishullin e Fortnite janë hapur dhe kanë filluar të mbushin me ujë, pak përpara ardhjes së Season 3, duke na sugjeruar ndikimet që do të lërë eventi i mbylljes së këtij sezoni në hartë.

Eventi që është vonuar tre herë deri më tani, pritet të mbahet për pak ditë. Pritja nuk është e gjatë, sepse sipas countdown-it që është vendosur në lojë për të, ai do të fiket të hënën e 15 qershorit.

Për disa javë me rradhë, kanë dalë në sipërfaqe imazhe dhe video të ishullit të Fortnite totalisht të përmbytur. Kjo ka dhënë ide të ndryshme për bashkëpunime të ndryshme mes zhvilluesve dhe serive të tjera, por ende nuk është bërë asgjë konkrete.

Klipe të ndryshme nga dataminers sugjerojnë se uji do e përmbysë hartën gradualisht. Kjo do të jetë një pikë shumë e rëndësishme në historinë e Fortnite, pasi pritet të lërë ndryshime të mëdha në të.

Çfarëdo që Midas është duke planifikuar ka për ta ndryshuar lojën në sasi të konsiderueshme. Mbetet të presim dhe të shohim.