Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Njerëzit pas Fortnite po punojnë rreth 100 orë në javë
Në momentin që loja Fortnite u bë kaq fenomenale u kuptua se intensiteti i gjërave do të shtohej edhe në njerëzit që qëndronin pas saj. Punonjësit e Epic Games iu është dashur të përballen me orare brutale të punës për të mirëmbajtur suksesin e lojës. Shumë prej tyre iu është dashur të qëndrojnë 70-100 orë në javë. Kjo normalisht ka ndikuar shëndetin mendor të tyre, duke shkaktuar që disa prej tyre edhe të pushohen nga puna, sepse refuzonin të qëndronin jashtë orarit të tyre të rregullt.
Sipas një raportimi, suksesi masiv i Fortnite Battle Royale e ktheu në një superfuqi ekonomike lojën, duke i dhënë Epic me miliona dollarë për ditë. Gjithsesi për punonjësit, ruajtja e këtij suksesi ka qenë cfilitëse.
“Unë punoj një mesatare të 70 orëve në javë” është shprehur një punonjës anonimisht. “Ka rreth 50 deri në 100 njerëz që kanë të njejtat orare si unë në Epic. Njoh njerëz që punojnë edhe 100 orë në javë.”
Ky punonjës tha se në teori, Epic i jep punonjësve pushime të palimituara brenda kontratës së tyre, por të përfitosh nga këto është pak e pamundur.
“Nëse un shkëputem nga puna, e gjithë pesha ime do i bjerë njerëzve të tjerë dhe ne nuk duam tia bëjmë këtë njeri-tjetrit.”
Kërkesat e larta të Epic ndaj punonjësve lidhen me pjesën e update-eve dhe kontentit të shpeshtë që sillet në Fortnite, por punonjësit janë shprehur se ka të bëjë edhe me pjesën e zhvillimit.
“Çdo gjë duhet bërë në moment”, shprehet një punonjës tjetër. “Nuk na lejohet të harxhojmë kohë me gjëra të tjera. Nëse diçka prishet, një armë përshembull, duhet rregulluar në moment. Nuk mund të pritet që të rregullohet në patch-in e ardhshëm. Më e keqja është që njëkohësisht jemi duke u marrë edhe me gjëra të tjera. Është brutale.“
Punonjësit thanë se nëse oraret nuk respektohet ose afatet kohore humben sepse një person ka marrë disa ditë pushim, ai person do të pushohej nga puna. Ata gjithashtu u shprehën se këto kërkesa të larta të punës kanë shkatërruar jetët e tyre familjare dhe shëndetsore.
“Kam patur miq të mitë që më kanë ardhur me lot në sy. Aq i madh është presioni.”
Epic nuk është e vetmja kompani që kërkon perfeksionin në mënyra brutale te punonjësit e saj. Një situatë e ngjashme është raportuar edhe në BioWare.
Kjo kulturë pune është totalisht e gabuar, shkatërruese dhe çnjerëzore. Realisht kërkohet një forcë super e madhe për të mbajtur në këmbë fenomene si Fortnite, por kurrsesi nuk duhet të shkelen të drejtat e tjetrit për arsye personale.
