Filmi u shfaq në Venice Film Festival dhe audienca mbeti e shtangur!
Filmi u shfaq në Venice Film Festival dhe audienca mbeti e shtangur!
Filmi i ri i Joker me Joaquin Phonenix në rolin e protagonistit nuk del në kinema deri në tetor, por ai tashmë e mbylli premierën e tij në Venice Film Festival gjatë fundjavës dhe mund të themi me plot gojën se njerëzit ranë në dashuri me të.
Është raportuar se pasi filmi mbaroi, publiku u çua në këmbë dhe duartrokiti për tetë minuta rresht. Joker ka marrë një vlerësim 10/10 prej shumë kritikave, duke u klasifikuar si një nga filmat më të mirë prej kohësh.
Vetë Phoneix ishte në Festivalin e Filmit të Venecias dhe aty ai foli më shumë rreth personazhit të tij dhe të bërit të filmit. Ai u shpreh se performancat e mëparëshme nga aktore të tjerë për Joker nuk e kishin ndikuar fare atë.
“Nuk u referova në asnjë portretizim të mëparshëm të personazhit,” U shpreh Phoneix. “Gjithmonë e gjithë eksperienca është ndjerë si një krijim i yni në një farë mënyre.”
Gjatë eventit, drejtori artistik i festivalit, Alberto Barbera, tha se Joker do të shkojë “direkt te Oscars.” Krahas shumë elementëve për tu admiruar, njerëzit janë duke vlerësuar shumë punën që Phoenix ka bërë në të luajturin e këtij personazhi.
Herën e fundit që njerëzit kanë mbetur kaq të shtangur me performancën e të tillë roli, ka qenë kur i ndjeri Heath Ledger e mori përsipër portretizimin e Joker në The Dark Knight të Christopher Nolan. Ky rol i dha Ledger një Oscar si Best Supporting Actor, duke u bërë i pari aktor që ka marrë ndonjëherë Oscar në një film me superheronj.
A është e mundur që performanca e Phoenix të ndajë të njejtin fat me atë të Heath Ledger? Këtë ende nuk mund ta themi, por duke parë të gjitha reagimet pozitive që filmi Joker ka marrë deri më tani nga kritika do të thonim se padyshim që është një pretendent.
Krahas Phoenix në rolin e protagonistit, filmi gjithashtu ka si pjesë të kastit Robert de Niro, Zazie Beetz dhe Frances Conroy. Edhe për Todd Phillips që ka shkruar dhe drejtuar filmin kjo është një eksperiencë e re, pasi në punët e tij të mëparëshme ai është fokusuar në fushën e komedisë.
Premiera e Joker do të jetë në datë 4 tetor, kur filmi të sillet për publikun nga Warner Bros.