Dje ju njoftuam se sot do të zbulohej loja e re e Need for Speed dhe mund të themi se Need for Speed Heat duket shumë fantastike në trailerin e saj të ri.
Përpara 24 orësh një countdown u shfaq në faqen zyrtare të lojës, që sugjeronte se sot do të mund të shikonim lojën e vazhdimit të serive të Need for Speed. Traileri i postuar përpara pak minutash është thjesht kinematik, por si duket zhvilluesve nuk ju pëlqen të heqin dorë nga countdown-et, pasi një tjetër është shfaqur në faqen e lojës, këtë rradhë për trailerin e gameplay-it.
Sigurisht që ky i fundit shënon pesë ditë nga tani dhe është i lidhur me eventin e Gamescom 2019. Loja do të lançohet në datë 8 nëntor dhe është e disponueshme për pre-order që në momentin që flasim.
Vetë traileri ishte fantastik. Grafikat mbreslënëse dhe makinat edhe më shumë. Loja duket të ketë vërtetë potencial. Sipas përshkrimit të videos loja është një “eksperiencë drithëruese që të vë kundër patrullës policore të qytetit, teksa ju luftoni për të arritur majën e elitës së street racing.”
Që në përshkrim është i konfirmuar që gameplay do të ndjekë stilin e Need for Speed të 2015s. Gjithsesi më shumë informacione siç e thamë do të vijnë në Gamescom së bashku me trailerin e Gameplay-it. Për momentin shikoni trailerin e zbulimit më poshtë.