Paramount Pictures e ka festuar përvjetorin e Judgement Day në mënyrën më fantastike, kjo duke sjellë një trailer të ri për Terminator: Dark Fate. Videoja mundësoi shumë detaje për filmin, duke përfshirë personazhin e ri misterioz që portretizohet nga aktori kryesor i të gjithë filmave, Arnold Schwarzenegger.
Traileri gjithashtu dha një pamje të Terminatorit antagonist të Gabriel Luna, teksa po heton atë që duket si një kabinë e personazhit të ri të Schwarzenegger. Rikujtimi i rolit ikonik të Sarah Conners në Terminator 2: Judgement Day nuk mungoi.
Prapëseprapë ka ende shumë pyetje përsa i përket historisë së filmit të ri, që gjihashtu do të prezantojë një protagonist human të portretizuar nga Mackenzie Davis dhe një hero të mundshëm të së ardhmes nga Natalia Reyes.
Përsa i përket kritikave që ka marrë mbi seritë e Terminator dhe tentativave për të rijellë filma të tjerë, regjizori Tim Miller i siguroi fansat se ka punuar fort me James Cameron që të sigurohet që ky film ti reflektojë në mënyrën e duhur klasikët.
“Nëse do të isha një nerd, gjë që jam, gjithmonë do e imagjinoja veten teksa lexoja historinë dhe do të përfytyroja impaktin që ajo do të linte te fansat. Mund të jem objektiv, ashtu siç isha me Deadpool. Kur e njoftuam filmin, lexova online: ‘Terminator 6? Pse nuk e lini të vdesë?’ I kuptoj këto reagime dhe nëse ky film nuk është fantastik, atëherë po do e pranoj që e kemi arritur limitin tonë.” Është shprehur Miller në një intervistë.
Ai shtoi: “Pas Deadpool kishte shumë projekte që mund të kisha zgjedhur, por realisht doja të shihja Linda Hamilton të kthehej personalisht për të vazhduar historinë e saj si Sarah Connor. Si James Cameron, gjithmonë më janë dukur më interesante historitë kur femra e merr armën në dorë.”
“Dua thjesht ti jap audiencës një histori për Sarah, për këto personazhe dhe dua ta bëj çdo gjë në mënyrë sa më realistike.”
Terminator: Dark Fate do ta ketë premierën në 1 nëntor. Shikoni trailer-in e filmit më poshtë.