Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Linja kryesore e historisë së Avengers mund të jetë mbyllur në Avengers: Endgame prillin që lamë pas, por traileri i parë për Black Widow të Scarlett Johansson na kujton që Marvel Studios ende nuk ka mbyllur punë me ekipin e tij origjinal.
Black Widow është filmi i shumëpritur individual për personazhin e Natasha Romanoff. Filmi do të zhvillohet në periudhën dy vjeçare mes Captain America: Civil War dhe Avengers: Infinity War. Kjo gjithashtu shpjegon se si Marvel mund të bëjë një film të Black Widow, duke marrë parasysh që ajo sakrifikoi veten e saj, për tu siguruar që Avengers të merrnin Soul Stone në luftën kundër Thanos.
Sado që ky është traileri i parë i bërë publik, një version më i gjatë i tij është treguar në konventën D23 të Disney në gusht. Traileri fokusohet në udhëtimin e Romanoff në Budapest, një vendndohje që Clint Barton i referohet shpesh në disa filma të Avengers. Ky trailer tregon një skenë mbreslënëse mes Romanoff dhe një gruaje të quajtur Yelena Belova. Në comics Belova bëhet Black Widow-i i dytë dhe në trailer ajo referohet si motra e Romanoff.
Fansat kanë pritur prej kohësh tashmë për një film individual të Black Widow. Shefi i Marvel Studios, Kevin Feige, kishte përmendur fillimisht bisedat që ishin bërë për këtë film në 2010m, por nuk ishte deri në 2018n, kur morëm një konfirmim zyrtar për këtë film.
Johansson është një nga të fundit në grupin e Avengers që ende nuk kishte marrë një projekt solo të sajin. Robert Downey Jr., Chris Evans dhe Chris Hemsworth kanë qenë protagonistë në shumë filma individualë (Iron Man, Captain America dhe Thor respektivisht.) Jeremy Renner gjithashtu do të ketë serialin e tij, Hawkeye në Disney+.
Mark Ruffalo është i vetmi anëtar i kastit të Avengers në këtë pikë që nuk ka filmin e tij personal të Hulk, pasi Universal Pictures kanë të drejtat për filmat individualë të Hulk. Gjithsesi Feige dhe skuadra e tij zhvilluan një linjë për personazhin e Ruffalo, duke e futur atë në Thor: Ragnarok, Infinity War dhe Endgame.
Black Widow do të shënojë fillimin e fazës së katërt të MCU, kur të lançohet në 1 maj të 2020s, e ndjekur më vonë nga The Eternals në 6 nëntor.
