Të gjithë e mbajmë mend krijimin fantastik të Jordan Peele në Academy Awards-at e këtij viti. Get Out ishte padyshim kombinimi më i mirë i horrorit, misterit, moralit dhe komedisë në një film. Një fitues mëse i denjë për skenarin më të mirë. Kohë të mira po vijnë, pasi i njejti regjizor dhe skenarist kanë sjellë për publikun trailerin e parë të projektit të tij të rradhës. Një horror i quajtur “Us”.
Në trailerin të cilin mund ta gjeni më poshtë, shohim një familje e cila po niset me pushime. Së shpejti do e gjejnë veten të përndjekur nga një familje psikopatësh që duket identik si ata. Imagjinata arrin kulmin nuk do ta mohojmë.
Yjet e kinemasë gjenden kudo me Lupita Nyong’o si Adelaide Wilson, Winston Duke si Gabe Wilson dhe Elisabeth Moss dhe Tim Heidecker si anëtarë të familjes Tyler. Filmi gjithashtu sjell edhe Yahya Abdul-Mateen II nga Aquaman.
A mendoni se do ta shohim sërisht Jordan Peele në Academy Awards? Mbetet të presim dhe të shohim se çfarë do të rezervojë filmi në 19 Mars. Deri atëherë le të kënaqemi me trailerin.