Publikohet traileri dhe data e lançimit të Spider-Man Far From Home

Filmi do të vijë në kinema në 5 korrik

Traileri i Spider-Man Far From Home sapo është publikuar dhe duket të jetë mjaft premtues. Për të gjithë ne që mbetëm me zemra të thyera nga përfundimi i Infinity War, të shikuarit sërisht fytyrën e Spider-Man është vërtet ngushëlluese.

Le të fillojmë duke thënë WOW. E gjithë ideja, personazhet dhe një paraqitje shumë e papritur në fund të klipit të një figure legjendare të Marvel na kanë lënë duke e parë këtë trailer në ripërsëritje.

Filmi do të vijë në kinema në 5 korrik. Deri në atë pikë premiera e Avengers: Endgame do jetë publikuar dhe kjo na lë të kuptojmë se do të kemi kthimin e disa prej personazheve të shfarosura nga Thanosi.

Spider-Man: Far From Home është vazhdimi i  Spider-Man: Homecoming. Mund të shohim në trailer Tom Holland, protagonisti që portretizon të famshmin Piter Parker të niset për një ekskursion shkollor pa asnjë qëllim për të qenë heroi i ditës. Gjithsesi nuk do të kishim film nëse diçka nuk do të shfaqej nga e papritura për të prishur punë.

Çfarë të bën vërtet përshtypje, krahas shenjave të vogla të romancës mes disa personazheve, është paraqitja e Mysterio në fund të trailerit. Një nga antagonistët më të mëdhenj që ka krijuar Stan Lee. Fakti që roli i tij luhet nga Jake Gyllenhaal pastaj, e bën filmin të domosdoshëm për tu parë. Tom Holland është shprehur se Spider-Man do të zhvillohet në një trilogji. Kjo do të thotë që ky është filmi i dytë i serive.

Filmat e Spider-Man kanë qenë të shumtë. Duke filluar me tre seritë origjinale me Toby McGuire dhe me dy instalime të tjera të The Amazing Spider-Man me  Andrew Garfield. Deri në këtë pikë Sony i kishte të gjitha të drejtat e personazhit të Spider-Man, por gjërat ndryshuan në 2015, kur Sony dhe Marvel ranë dakord për prezantimin e një figure të re të Spider-Man në Captain America: Civil War. Më vonë e shfaqën edhe në filmin e parë më vete në Spiderman: Homecoming.

Sony Pictures gjithashtu publikoi edhe posterin zyrtar të filmit. Në të mund të shohim stampat e disa prej vendeve më të bukura Europiane si Venecia, Londra, Praga etj.

Data zyrtare e ardhjes së filmit në kinema është 5 korriku. Duket shumë e largët, por hey jemi ne ata që themi sa shpejt fluturon koha. Shpresojmë që ky të jetë rasti edhe me Spider-Man: Far From Home.