Publikohet trailer-i i FIFA 20 një ditë para zbulimit zyrtar të saj

Sot, EA zbuloi trailerin e parë të FIFA 20, përpara zbulimit të saj zyrtar nesër në EA Play. Fatkeqësisht traileri nuk na jep pamje të gameplay-it, por në fund sugjeron se EA mund të ketë arritur në një marrëveshje marketingu me PlayStation për lojën.

Gjithsesi trailer-i vjen më shumë në trajtën e një teaser-i, ndaj nuk ka shumë informacion në të. Nesër do të marrim më shumë informacion mbi vetë lojën, datën e lançimit të saj në PS4, Xbox One, PC, Switch dhe kush do të jetë në kopertinën e saj.

EA i ka specifikuar disa nga ndryshimet e gameplay-it që do të vijnë për FIFA 20, por padyshim që i gjithë misteri do të zbulohet gjatë EA Play nesër. Qëndroni të update-uar me faqen tonë për të marrë vesh më shumë.