Publikohet teaser-i i parë për Season 11 në Fortnite

Me Season 11 që është kaq pranë Fortnite Battle Royale, Epic Games më në fund ka publikuar një teaser për eventin ‘The End’ dhe me shumë mundësi Chapter 2. Shumë prej lojtarëve të Fortnite janë të emocionuar për të ditur se çfarë do të vijë me sezonin e ri dhe pritja nuk është e gjatë.

Deri më tani nuk kishte asnjë teaser për sezonin e ri të lojës, siç Epic zakonisht ka traditë të postojë, por më mirë vonë se kurrë apo jo? Më në fund në 11 tetor kompania postoi imazhin e parë si teaser për sezonin e ardhshëm.

Në foto gjenden disa nga personazhet dhe skinet më ikonike të lojës si Skull Trooper dhe Jonesy, teksa po i japin lamtumirën Battle Bus me perëndimin e diellit në sfond. Në postim shkruhej: “The End is near. 48 hours…”, duke konfirmuar se eventi The End do të zhvillohet kur të mbarojë countdown-i.

Ka dy gjëra kryesore që ky postim vërteton. Së pari faktin që eventi për kalimin nga Season 10 në Season 11 do të quhet The End dhe së dyti, rikonfirmon të gjitha teoritë që diçka drastike do të ndodhë me hartën e Fortnite.

Gjasat më të mundshme janë që harta ose do të shkatërrohet plotësisht dhe një hartë e re do të vijë në vend të saj, ose një pjesë e madhe e copëzave të hartës së tanishme do të zëvendëshen me të tjera.

E vetmja mënyrë për ta ditur me siguri është që të shohim se çfarë do të rezervojë eventi The End të dielën.