Grand Theft Auto V është një nga lojërat më të mëdha me botë të hapur që është krijuar ndonjëherë, me një histori krimi interesante që rrezikon jetët e tre karaktereve dhe me nje vëmendje te jashtëzakonshme mbi detajet. Kjo lojë mban një nga rezultatet më të mira te analizave profesionale, me mirënjohje ndërkombëtare mbi qasjen e saj në të gjitha platformat, si Playstation 4, Xbox One dhe PC. Gjithsesi në dyqanin e Steam, aty ku lojtarët e PC blejnë lojëra, rezultati i analizës është klasifikuar si “Tej mase negativ”. Ja pse.
Grand Theft Auto V debutoi në PC në fillimin e 2015, një vit e gjysmë pas lançimit në Playstation 3 dhe Xbox 360 dhe pas gjashtë muajsh pas dërgimit në Playstation 4 dhe Xbox One. Loja nuk është më e re dhe ajo ka qenë një sukses për zhvilluesin Rockstar dhe kompaninë e saj prind Take-Two Interactive.
Por lojtarët e PC janë ndryshe dhe rrallë janë të kënaqur me lojërat siç pret zhvilluesi prej tyre. Modifikimi i lojërave po bëhet tepër i përhapur dhe një nën-industri e lojërave të PC që po rritet vazhdimisht dhe si një nga lojërat më popullore GTA5 kërkon vëmendjen që i takon nga modifikuesit.
Në muajt e fundit, server të lojës me role filluan të dilnin ku lojtarët sillen si karaktere aktuale dhe bashkëpunojnë me njëri-tjetrin në mënyra komplekse që ishin të pamundura në mode-t standarte të lojës online në GTA5. Këta serverë, bazuar në një version të modifikuar të platformës online të GTA, janë parë në Twitch dhe sollën goxha jetë në lojën e krimit. Koha e lojës së përgjithshme është rritur, me më shumë lojtarë që blejnë lojën dhe zhyten në të për një lloj tjetër eksperience të GTA-së.
Ju do të mendonit që duke qenë një biznes, Take-Two do të ishte mjaft e kënaqur me rritjen e numrit të lojtarëve dhe të shitjeve, sidomos meqë ata nuk kryen ndonjë punë për të arritur këtë rezultat. Por ata nuk ishin. Kompania dërgoi sulme ligjore ndaj OpenIV një nga strukturat primare ku modifikime të ndryshme bazohen dhe i detyroi ata që të mbylleshin si strukturë.
Disa orë pas lajmit, lojtarët filluan të bombardonin me komente negative listimin e GTA5 në Steam. Reagimi ishte aq i fortë sa ia ndryshoi analizën e përgjithshme lojës nga “Tej mase Positive” në “Të përzierë” me analizën që shumë shpejt kaloi në “Tej mase Negative”, shkallën më të ulët që ka Steam.
Rockstar lëshoi një deklaratë ku thoshin që kanë folur me Take-Two dhe kanë sugjeruar që të mos merren më me komunitetin e modifikuesve. Take-Two gjithashtu iu adresua dhe të indinjuarve ku tha që veproi ashtu pasi kishin arsye për të besuare OpenIV po lejonte modifikime jo të hijshme të përdorura nga lojtarët në rregullimet online që ata bënin. Kompania u lëkund paksa nga vendimi i saj i patundur mbi OpenIV, duke e lejuar atë të bëjë një update të ri pa probleme por pyetja mbi se si modifikime të reja “armike” do të trajtohen vazhdon të shkaktojë trazira tek lojtarët dhe nuk mund ta themi ende nëse ratio-ja e lojës në Steam mund ta marrë veten.