PUBG teston skill based matchmaking në Amerikën e Veriut

Tashmë do të luani kundër kundërshtarëve me të njëjtat aftësi si ju në PUBG

PUBG ka filluar testimin e skill based matchmaking për lojtarët në PC në Amerikën e Veriut për të krijuar një matchmaking më kompetitiv, por lojtarët ende nuk janë të bindur nëse ky ndryshim është i mirë ose jo.

Testimi, i cili filloi ditën e djeshme, do të vazhdojë deri ditën e nesërme dhe zhvilluesit do të mbledhin të dhëna duke monitoruar eksperiencat e lojtarëve dhe rezultatet në varësi të nivelit të aftësive. Ky vendim është kritikuar nga komuniteti pasi postimi nuk ishte shumë i qartë dhe gjithashtu i lajmëronte lojtarët në PC në Amerikën e Veriut se do t’iu duhej të prisnin për një ndeshje më shumë se zakonisht.

Në postim nuk kishte detaje në lidhje me mënyrën se si do të llogaritej aftësia e lojtarit. Edhe në këto momente, nuk dihet se cilat statistika po merren për të renditur lojtarët në sistemin e matchmaking. Sistemi mund të jetë duke i dhënë prioritet lojrave të fituara, K/D ratio ose survival points, po ende nuk dimë asgjë.

Në postim, PUBG Corp thotë: “Qëllimi ynë është të përmirësojmë eksperiencën në PUBG të të gjithë lojtarëve dhe iu ftojmë të jepni mendimin tuaj ndërkohë që jeni pjesë e këtij testimi. Qëllimi është të përmirësojmë eksperiencën e gameplay në ndeshje standarte dhe kjo nuk ka lidhje me asnjë competitve mode ose sistem ranked në të ardhmen“.

Ky postim ka irrituar gjithashtu lojtarët të cilët shpresonin për një sistem të plotë ranked në PUBG, duke qënë se zhvilluesit e shprehën qartë se një i tillë nuk do të vinte.

Duke reagur në Twitter, lojtari profesionist i PUBG Tim ‘PistolaTime’ Banel ishte i shqetësuar për sa i përket numrit të lojtarëve që e dinë se kjo provë po zhvillohet, duke thënë se ajo duhet të lajmërohet në lojë.

Vendimi për të shtuar skill based matchmaking në PUBG vjen vetëm pak ditë pasi Fortnite bëri të njëjtën gjë me sistemin e tyre, duke vendosur lojtarët me aftësi të ngjashme së bashku, pavarësisht konsolave.