Një konkurs në PUBG do të sjellë skin-et tuaja brenda në lojë

Konkursi do të zhvillohet për të festuar tre vjetorin e PUBG

Nëse keni patur ide për skin-e në PUBG, tani është koha që ato të bëhen pjesë e lojës. Për të festuar tre vjetorin e PUBG, lojtarët mund të dizenjojnë një hoodie, një M416 dhe një parashutë. Vetëm një skin do të zgjidhet fitues në çdo kategori dhe skin-et fituese do të shtohen në lojë, ndërsa fituesit do të marrin dhe disa shpërblime të tjera.

Detajet e këtij konkursi të PUBG u zbuluan në website-in e lojës, ku PUBG Corp. shpjegoi procesin se si skin-et duhen dërguar dhe se si do të zgjidhet fituesi. Lojtarët do të shpërndajnë idetë e tyre në rrjetet sociale duke përdorur templates. Zhvilluesit do të zgjedhin disa finalistë dhe më pas komuniteti do të votojë për të zgjedhur fituesin.

Skin-et do të gjykohen në bazë të kreativitetit, se sa të përshtatshme janë me rregullat e konkurrsit dhe se sa mirë përshtaten me PUBG. Disa rregulla të tjera janë se skin-i nuk duhet të maskojë lojtarët (pra nuk duhet të jetë jeshil i errët ose diçka që duket si ghillie suit), të jetë ofendues ose të ketë lidhje me organizata politike ose fetare.

PUBG Corp. gjithashtu thotë se ka të drejtë të ndryshojë skin-et e përzgjedhura, edhe pse shpresojmë që kjo nuk do të ndodhë shumë me fituesit. Thuhet se fituesit dhe finalistët gjithashtu do të marrin shpërblime speciale, të cilat nuk dihet se çfarë janë.