Data e lançimit të Season 9 të PUBG është caktuar zyrtarisht për 21 tetor, ose 29 tetor për ata që e luajnë në konsola. Zhvilluesit gjithashtu kanë sjellë disa hints që sugjerojnë se çfarë duhet të presim nga harta e Paramo. Duket se kjo e fundit do të ndryshojë në mënyrë radikale sa herë që ju të bëni drop në të.
PUBG Corp e përshkruan Paramo si “harta e parë dinamike e PUBG”, duke thënë se ka me mijëra opsione ë të dhe se harta do ju bëjë të rimendoni gjithçka në çdo drop. Teaser traileri tregon një grup lojtarësh që bien në katër versione të hartës. Në secilin variant, moti, pozicionimi i pemëve, ndërtesat dhe aktiviteti i vullkanit në ishull është i ndryshëm.
Traileri gjithashtu tregon një lloj të ri crate-i të madh drejtkëndor që bie mbi Paramo. Nuk ka ende një ide të qartë se çfarë do të ndodhet brenda këtyre crates, por duket se do të jenë pjesë shumë e rëndësishme e hartës. Mund ta shikoni vetë trailerin më poshtë: