Loja do të jetë e krijuar specifikisht për tregun Indian.
Loja do të jetë e krijuar specifikisht për tregun Indian.
PUBG Corp thotë se ka në plan të lançojë një lojë të re të PUBG Mobile në Indi. Kjo pasi loja u bë ban në shtator, për shkak të lidhjeve që kishte aplikacioni në mobile me kompaninë Tencent të Kinës. Në momentin kur goditi ban-i, PUBG Mobile ishte loja më e shkarkuar në Indi, me 50 milionë përdorues.
Zhvilluesi tha se do të krijonte një segment të ri për tregun indian, për të kompensuar kështu mungesën e PUBG Mobile. Kompania gjithashtu shtoi se ka në plan në investojë $100 milionë në industrinë e “gaming, esports, entertainment dhe IT në Indi,” por nuk ofroi asnjë datë se kur mund të lançohet loja.
Bashkë me PUBG Mobile, në Indi u bë gjithashtu ban TikTok, WeChat dhe apliakcione të tjera kineze. Sipas qeverisë indiane, këto aplikacione po vidhnin të dhënat e përdoruesve në mënyrë të paautorizuar, në servera që ndodheshin jashtë Indisë.
PUBG Corp vuri në dukje se loja e ri-lançuar do të përshtatej specifikisht për gamers në Indi. Këtu përfshihet avatari që fillon lojën plotësisht i veshur, lëngu jeshil në vend të gjakut dhe prezantimi i lojës si: “një simulim virtual” dhe jo diçka që po ndodh në jetën reale. Analisti Daniel Ahman vuri në dukje në Twitter se këto ishin të gjitha ndryshime të bëra në versionin kinez të lojës të zhvilluar nga Tencent.