Ja disa mënyra për të ulur ping në lojë
Duke qënë se PUBG Mobile është një lojë online, një prej aspekteve më të rëndësishme është padyshim lidhja juaj me internetin. Rekomandohet që lojtarët të përdorin WiFi, pasi zakonisht kështu lojtarët mund të marrin ping më të mirë sesa kur përdorin data-n që ofron operatori juaj telefonik. Ndërkohë, më poshtë ne po ju japim disa mënyra të tjera se si të përmirësoni ping-un tuaj në PUBG Mobile:
- Mos përdorni aplikacione në background – Aplikacione të ndryshme në smartphone-in tuaj mund të përdorin internetin për cloud sync ose për të shkarkuar update. Ju mund t’i fikni këto opsione në settings të aplikacioneve specifike dhe gjithashtu mund të çaktivizoni Sync të Google në telefonat Android nga menuja që del kur bën swipe down. Gjithashtu, disa smartphone kanë opsione që të lejojnë të kontrollosh se sa internet përdoret dhe ju mund t’i përdorni ato për të kufizuar disa aplikacione.
- Përdorni WiFi 5GHz – Ndryshe nga WiFi 2.4GHz, WiFi 5GHz ka shumë më shumë bandwidth, por për ta përdorur atë juve ju duhet një router dhe smartphone që suporton 5GHz. Në shtëpi, duke qënë se shumë pajisje janë të lidhura njëherësh me internetin, WiFi 5GHz ju jep juve mundësinë të luani PUBG Mobile pa u shqetësuar nga të tjerët që përdorin internetin.
- Përdorni gaming mode – Shumë smartphone kanë një aplikacion që përmirëson performancën tuaj në gaming si Gaming Mode apo Game Booster. Kjo veçori ju rrit juve framerate dhe gjithashtu i jep lojërave të gjithë internetin e nevojshëm, duke ulur ping.
- Ndryshoni ISP – Nëse asgjë nuk funksionon, opsioni juaj i fundit është të ndryshoni ISP-në tuaj, pra kompaninë me të cilën keni lidhur internetin. Disa kompani kanë infrastrukturë më të dobët dhe kjo sjell ping më të lartë në PUBG Mobile.