PUBG Mobile mund të bëhet ban si diçka me “më varësi se droga”

Video-games që përballen me pasoja për ndikimet negative që lënë në shoqëri nuk janë ndonjë gjë e re, por këtë herë ishte rradha e PlayerUnknown Battlegrounds që të binte pre e preteksteve të tilla.

Jamu dhe Kashmir Students Association në India po kërkon një ban ndaj lojës PUBG Mobile duke cituar se “…shohim të rinjtë në telefonat e tyre 24/7, duke luajtur lojën dhe duke mos bërë asgjë tjetër me kohën e tyre. I bëjmë kërkesë guvernatorit që ta ndalojë menjëherë këtë lojë.”

Akuzat e tyre shkojnë deri në pikën e të cilësuarit varësinë ndaj PUBG si më të rëndë se ajo ndaj drogës. Ata deklarojnë se loja po shkatërron të ardhmen e brezit të ri.

“Loja duhej hequr nga qarkullimi që pas performancës së dobët të nxënësve të klasës së 10 dhe 12. Varësia ndaj kësaj loje është bërë më shqetësuese se varësia ndaj drogërave. Shohim të rinj duke kaluar çdo orë të ditës përpara telefonit. Kërkojmë që qeveria ta dëbojë menjëherë si lojë.” U shpreh përfaqësuesi  Raqif Makhdoomi.

Sado që akuzat e fundme vijnë nga India, nuk është hera e parë që loja përballet me të tilla situata. Edhe shkolla të tjera nga rajone të ndryshme kanë bërë deklarata të ngjashme, por kurrë aq të mëdha sa ta njëvlerësonin me varësinë ndaj drogës. Shqetësimet më të mëdhaja nuk vijnë nga përmbajtja e lojës, por nga influenca që ajo ka mbi audiencën e saj mobile.

Hapi i parë përpara se të merren masat e përhershme është observimi i kohës së kaluar përpara ekranit. Si mendoni ju, PUBG Mobile po jep ndikim për mirë apo për keq në rrethin tuaj shoqëror?