PUBG Mobile Lite lançohet në Indi për telefonat me parametra të ulëta

Gameplay i ngjashëm. Hartë e vogël me 60 lojtarë dhe ndeshje nga 10 minuta.

PUBG Mobile Lite, një version më i zbehtë le të themi i lojës së famshme battle royale PUBG Mobile është lançuar në Indi. Duke nisur që sot, mund ta shkarkoni lojën nga Google Play Store dhe ta shijoni në telefona me parametra të ulët. Njëlloj si në rastin e PUBG Lite për PC, PUBG Mobile Lite është krijuar për të operuar në telefona me parametra të ulëta.

Ky version i lojës është ndërtuar me përdorimin e Unreal Engine 4 dhe i duhen vetëm 400MB për tu shkarkuar. Është fiks për pajisje që kanë më pak se 2GB RAM. Kompania është shprehur se versioni Lite do të funksionojë shumë mirë për lojtarët dhe duke gjykuar faktin që rreth gjysma e përdoruesve të smartphone-ave në Indi  kanë telefona të parametrave të tillë, loja është përshtatur posaçërisht për to.

Gameplay do të jetë i ngjashëm, por harta do të jetë më e vogël dhe për 60 lojtarë. Kjo do të thotë se do të keni të bëni me një lojë që luhet me ritme më të shpejta, që zgjat rreth 10 minuta dhe ka stilin tradicional të aksionit të PUBG. Lojtarët do të mund të marrim shpërblime në formën e pajisjeve ose makinave të reja.

Ky është lajm shumë i mirë për të gjithë fansat e lojës, mbi të gjitha në vendet e Azisë Juglindore ku ekonomia është vërtetë e kufizuar dhe jo të gjithë i kanë të shtruara mundësitë e tyre.

Gjithsesi kur merr parasysh se pikërisht në këto vende PUBG Mobile është një nga lojërat me varësinë më të madhe, në disa raste edhe e ndaluar, thjesht mendon që ky vendim, sado i mirë, do të lërë pasojat e tij. Baza e lojtarëve të PUBG do të rritet edhe më shumë nga ç’ishte dhe nivelet e varësisë ndaj lojës do të vazhdojnë në përpjestim të drejtë me të.

Prapëseprapë mendoj se në fund të ditës, është më mirë të fokusohemi te lajmi i mirë. PUBG Lite e mundëson lojën për çdo telefon, duke i lënë kështu të gjithë të kënaqur.