Loja fitoi mbi $200 milionë muajin e shkuar.
Loja fitoi mbi $200 milionë muajin e shkuar.
PUBG Mobile ka fituar më shumë nga çdo lloj loje tjetër në platformën e mobile, përgjatë gushtit të 2020s. Kjo sipas statistikave nga kompania Sensor Tower.
Loja mblodhi $221 milionë në gusht. Kjo është një rritje me 25.5% në krahasim me gushtin e 2019s. Shpenzimet e lojtarëve brenda në lojë gjithashtu janë rritur me 5.5% nga korriku i 2020s, kur loja bëri $208.8 milionë.
Shumica e të ardhurave kanë ardhur nga versioni kinez i PUBG Mobile i quajtur Game for Peace. Sipas Sensor Tower, Game for Peace kishte 59% të të ardhurave totale të gushtit. Shtetet e Bashkuara ishin të dytat në të ardhura me 9.5% të totalit, ndërkohë që Japonia ishte e treta me 5.2%.
Honor of Kings, ishte loja e dytë mobile me më shumë të ardhura gjatë muajit të kaluar. Loja MOBA është e disponueshme vetëm në Kinë dhe është zhvilluar nga Timi Studios e Tencent Games. Kjo është një rritje me 25.5% nga viti i shkuar.
Lojërat e tjera në top pesçe ishin Fate/ Grand Order, Pokemon Go dhe Monster Strike.
PUBG Mobile u bë ban në 2 shtator në Indi, një nga rajonet ku loja është më e shkarkuar. Një raportim i mëparëshëm nga Sensor Tower ka thënë se në të ka patur 185.5 milionë instalime të lojës. Kjo padyshim që do i godasë të ardhurat e lojës për muajin shtator, por fare pak. Kjo, sepse sado që India është një nga vendet ku PUBG Mobile është më e shkarkuar, shpenzimet e lojtarëve në të janë të ulëta krahasuar me rajone të tjera.